Ju ekzistoni
Sa herë ju ndodh që kur ju duhet diçka, gjëja e parë që bëni është një kërkim i shpejtë në Google? Pikërisht, shpesh. Nëse një klient potencial dëshiron të blejë diçka që ju shisni dhe bën një kërkim në internet për të parë çka ofrohet, do ishte fantastike nëse biznesi juaj do të dilte në listën e rezultateve. Dhe kjo mund të ndodhë vetëm nëse ju keni një faqe interneti. Siç, mund ta shikoni, faqja e internetit shërben si një vitrinë ku të gjithë të interesuarit mund të hedhin një sy shërbimeve apo produkteve tuaja, dhe të konvertohen në klientë pa aspak mundim nga ana juaj. Kjo është një mrekulli e internetit.
Ju jeni profesionistë me Faqe Interneti
A nuk do t’ju pëlqente që në kartëvizitën tuaj të kishit faqen tuaj të internetit? Sigurisht që po. Kjo është një arsye për të shpërndarë kartëvizitën me qejf. Një kartëvizitë ku ju paraqisni faqen tuaj të internetit dhe një email me domain-in e biznesit tuaj është diçka që të bën t’i mbash shpatullat drejtë dhe lë një përshtypje shumë të mirë tek marrësi. Nëse ju keni në kartëvizitë thjesht një email të ofruar falas nga gmail.com, yahoo.com apo outlook.com, të jeni të sigurt që nuk po impresiononi askënd. Përkundrazi, mund të mos merreni shumë seriozisht. Prandaj, ndihmojeni forcimin e markës tuaj me pajisen me një faqeje interneti.
Ju forconi markën
Klientët potencialë të cilët kanë mbërritur në faqen tuaj të internetit nga një kërkim në Google apo të tjerë që ju i keni referuar aty me anë të kartëvizitës tuaj ose në një formë tjetër, u jepet mundësia të shpenzojnë kohë me markën tuaj duke komunikuar dhe duke u familjarizuar me të. Vizitorët e faqes kanë mundësi ta shohin logon, simbolin e biznesit tuaj, në detaj pa asnjë limit kohor. Atyre u jepet rasti të shfletojnë katalogun e produkteve dhe shërbimeve tuaja dhe të mësojnë se si ju punoni, sa kujdes tregoni ndaj detajeve dhe se çfarë vlere mund t’i shtoni jetës së tyre me anë të atyre çka ofroni. Për këto arsye faqja e internetit ju ndihmon që ta skalisni markën tuaj në subkoshiencën e vizitorëve përgjithmonë.
Ju shtoni klientë
Nëse ju ja keni dalë me sukses që forconi markën dhe t’i prezantoni produktet apo shërbimet tuaja denjësisht me anë të faqes tuaj të internetit, hap tjetër i natyrshëm është që vizitorët e faqes të bëhen klientët tuaj. Dhe ky është qëllimi kryesor i të bërit biznes, të pasurit klientë vazhdimisht.
Një faqe interneti arrin tregje të reja me një audiencë globale.
Në internet, ju nuk jeni më një biznes i vogël lokal. Ju keni potencialin për t’u parë nga miliona njerez anembanë globit. A keni menduar ndonjëherë se kompania juaj do të kishte mundësinë e të bërit biznes në mbarë botën? E pra, tani ju mundeni. Pa dyshim, interneti është mënyra me kosto më efektive për të bërë tregeti brenda dhe jashtë vendit.
